مكي بالنسبة لي حالة مختلفة بحب اغانيه لانه مش زي حد تاني ليه طريقة واسلوب ومش بيقلد حد
بيناقش فكرة معينة في اغانيه حتي لو بانت في الظاهر هايفة
وفي اول البوم كامل ليه اكتر اغنية عجبتني من اول مرة اسمعها ( ميه ميه كانت هتفرق )
اولا حبيت القصيدة جدا لما سمعتها من الشاعر : مصطفي ابراهيم
واصبحت اجمل باللحن وبصوت مكي
وكأنها رسالة لكل واحد فينا :
يا ناس يا عبط يا عشمانين
ف فرصه تانيه للقا
بطلوا اوهام بقي
وكفايه أحلام واسمعوا
عيشوا بذمه و ودعوا
كل حاجة بتعملوها
وكل حد بتشوفوه
وكل كلمه بتقولوها
وكل لحن بتسمعوه
عيشوا المشاهد
كل مشهد زي مايكون الأخير
واشبعوا ساعة الوداع
واحضنوا الحاجه بـضمير
دا اللي فاضل مش كتير !